O Centro Interuniversitario ECOBAS continúa a estar dirixido, ó igual que na súa etapa coma Agrupación Estratéxica, polo investigador Carlos Hervés, Catedrático da Universidade de Vigo, ó que se suma a investigadora María L. Loureiro, Catedrática da Universidade de Santiago de Compostela, coma directora científica.
Na actualidade, ECOBAS atópase inmerso nun proceso de reforma que o levará a optar ó recoñecemento coma Centro Interuniversitario de Investigación do SUG por parte da Consellería de Cultura, Educación e Universidade.
Neste momento conta con 14 investigadores e investigadoras garantes, ademais dos seus directores, todos/as académicos/as pertencentes ás universidades de Vigo, Santiago de Compostela e A Coruña cunha destacada traxectoria. Proximamente abrirase un proceso de chamada á adscrición para que todos aqueles investigadores e investigadoras das universidades galegas que queiran integrarse en ECOBAS poidan presentar as súas solicitudes.
ECOBAS - Facultade de Ciencias Económicas e Empresariais - Campus de Vigo, 36310, Vigo. España
Tel. (+34) 986 81 20 28 - 
Fax (+34) 986 81 24 01