Noticias

ECOBAS vaise de festival á illa de San Simón para falar de Economía Circular
23-07-2020

ECOBAS vaise de festival á illa de San Simón para falar de Economía Circular

Baixo o título "A senda Circular" a Agrupación Estratéxica participou onte nunha xornada que aunou a profesionais de diferentes sectores para demostrar que a circularidade é posible pero é preciso a colaboración e o compromiso de todos.

O evento, dentro do programa do festival Sinsal Litoral SON Estrella Galicia, tiña o obxectivo de dar visibilidade aos desafíos existentes e a necesidade de crear unha economía eficiente e sostible no uso dos recursos, na protección da saúde das persoas, na protección do medio ambiente e do patrimonio cultural e orientada á persecución de obxectivos comúns.

Con máis de cincuenta participantes vinculados a empresas e entidades, a xornada comezou ás 11 da mañá cunha sesión organizada pola Fundación Paideia Galiza. Eles presentaron o proxecto europeo CIRCULAR LABS, centrado na promoción da economía circular na cultura emprendedora. Tamén contaron coa participación da empresa REVERTIA, e coa divulgadora Ana Rodríguez Vázquez, consultora de Sustentabilidade Estratéxica, Economía Circular e RSC. Posteriormente abriuse un espazo de debate e intercambio de experiencias coa participación de Agroamb, empresa circular que xestiona residuos orgánicos do sector industrial e Oui Jane!, emprendendo no sector téxtil desde a circularidade. 

Despois dunha visita guiada á Illa de San Simón da man da artista e investigadora Iria Vázquez, arrancou a sesión da tarde co título “Creando circularidade”, na que o deseñador Isaac Piñeiro foi introducindo a través de diferentes exemplos ideas sobre como emprender procesos de transformación e circularidade desde a arte e a cultura. Na mesa o acompañaron a xerente do Cluster Saúde de Galicia (CSG), Gisela Álvarez, e o investigador Miguel Rodríguez, membro de ECOBAS e do grupo GEN, experto en Economía Circular e coordinador da elaboración do capítulo sobre a circularidade na empresa galega do Informe ARDÁN, traballo realizado dentro do convenio de colaboración entre a Universidade de Vigo e o Consorcio Zona Franca de Vigo e impulsado por ECOBAS.


A sesión serviu tamén para presentar o  convenio de colaboración asinado recentemente entre o CSG, ECOBAS e o Centro Singular CINBIO, co obxectivo de poñer en marcha proxectos e actividades conxuntas coma proxectos de investigación, organización de actividades académicas ou apoio a investigadores/as e estudantes, entre outros.  Esta colaboración supón unha oportunidade no impulso do ámbito sanitario e socio-sanitario, ó unir a tres axentes de ámbitos diferentes pero complementarios, que de seguro lles permitirán acadar importantes logros. Así, o CSG exercerá de catalizador nesta cooperación, actuando coma nexo de unión entre o sector industrial, asociacións de pacientes, e institucións públicas e privadas de Galicia, e o ámbito académico e da investigación universitaria. ECOBAS aplicará o seu coñecemento e experiencia no campo da economía e a xestión empresarial a este ámbito socio-sanitario; e CINBIO (cofinanciado con Fondos Feder), farao no campo da investigación biosanitaria e biotecnolóxica, e en concreto no relativo á medicina molecular, a nutrición e o benestar, os nanomateriais, a informática para a saúde, e a bioestatística.


A xornada pechouse coa presentación do libro "Alén do azul" da editora Catro Ventos, proxecto que mostra os fondos mariños da Ría de Vigo e realizado pola sociedade cooperativa "13 grados".

O festival Sinsal Litoral, que normalmente se desenvolve na Illa de San Simón, este ano o fai, debido ás excepcionais circunstancias que estamos a vivir, do 22 ao 26 de xullo en distintos enclaves do litoral das Rías Baixas, pero incluíndo no seu programa, coma todos os anos, unha gran variedade de actividades culturais e musicais. A xornada celebrada onte demostra que un cambio de modelo é preciso para reducir o custe ambiental e alargar a vida útil dos materiais e residuos, e que é preciso dar a coñecer os problemas pero tamén poñer en común solucións e proxectos de mellora.  
 SUSCRÍBETE A ECOBAS

Configuración de cookies

Este sitio web utiliza cookies para mejorar la experiencia mientras se navega por el sitio web. Las cookies que se clasifican como necesarias se almacenan en el navegador ya que son esenciales para el funcionamiento básico del sitio web. También utilizamos cookies de terceros que nos ayudan a analizar y comprender cómo utilizas este sitio web; estas cookies se almacenarán en tu navegador sólo con tu consentimiento. También tienes la opción de no permitir estas cookies, sin embargo, la exclusión de algunas de estas cookies puede afectar a tu experiencia de navegación.

Cookies necesarias


Estas cookies son estrictamente necesarias para el funcionamiento de la página, las puedes desactivar cambiando la configuración de tu navegador pero no podrás usar la página con normalidad.

cb-enabled
cookieControl

Instrucciones sobre cómo eliminar las cookies y más información en nuestra política de cookies.