Noticias

ECOBAS organiza un Curso de Introdución ás Revisións Sistemáticas e a Metaanálise
16-11-2016

ECOBAS organiza un Curso de Introdución ás Revisións Sistemáticas e a Metaanálise

O pasado luns 7 de Novembro celebrouse na Facultade de Ciencias Económicas e Empresariais da Universidade de Vigo o Curso de Introdución ás Revisión Sistemáticas e a Metaanálise. O evento, que tivo lugar ó longo de toda a xornada, estivo organizado por ECOBAS e foi impartido pola consultora BIOSTATECH.  

A actividade serviu para que os asistentes puidesen coñecer e profundar nestas dúas técnicas, identificando tódolos pasos necesarios para implementalas nas súas investigacións con éxito. Tamén se expuxeron as limitacións da metaanálise e se identificaron diferentes ferramentas coma software e outros recursos dispoñibles para  a súa execución.
 

ECOBAS continúa a apoiar este tipo de accións formativas, dirixidas tanto a doutorandos coma a investigadores sénior, en liña coa súa estratexia de mellora das competencias transversais do persoal investigador da Agrupación.