Noticias

ECOBAS inaugurou o seu ano académico cun seminario científico de Antón Costas, presidente do CES
17-09-2021

ECOBAS inaugurou o seu ano académico cun seminario científico de Antón Costas, presidente do CES

O presidente do Consello Económico e Social de España, Antón Costas, participou esta mañá no acto organizado polo Centro de Investigación Interuniversitario ECOBAS con motivo da apertura do ano académico. O acto contou tamén coa presenza da Concelleira Ana María Mejías

Vigo, 21 de setembro, 2021.  A Vicerreitora de Investigación da Universidade de Vigo, Belén Rubio, foi a encargada de abrir o evento inaugural que recibiu ós novos alumnos e alumnas do Máster en Economía, chegados das tres universidades galegas. Rubio tamén salientou a importancia de contar en Galicia cun centro de investigación de ámbito xurídico e económico, eido no que ECOBAS se especializa.

O proceso de cambio que ECOBAS está a levar a cabo, pasando de ser unha Agrupación Estratéxica a un Centro de Investigación Interuniversitario, foi destacado polo seu director, Carlos Hervés, que agradeceu a asistencia dos presentes, entre os que se atopaban tamén profesores e investigadores. Por outra banda, a directora científica de ECOBAS, María Loureiro, salientou a importancia dos programas de formación que apoia o centro, o propio Máster Interuniversitario en Economía e o programa de Doutoramento en Análise Económica e Estratexia Empresarial. A investigadora tamén fixo fincapé nos diversos seminarios que ECOBAS organiza semanalmente, seminarios científicos e de transferencia, que se levarán a cabo en distintas cidades de Galicia.

Carlos Hervés tomou a palabra para dedicar unhas e agarimosas palabras a Antón Costas e agradecerlle a súa participación no acto. O Presidente do CES  ofreceu un relatorio para todos o asistentes, o primeiro do ciclo de seminarios que a profesora Loureiro mencionaba con anterioridade.  A aula maxistral, titulada “O reto de construír un contrato social progresista e sostible”, recalcou durante aproximadamente unha hora a importancia de Economía, sustentabilidade e democracia, así como do papel de investigadores e economistas para acadar unha nova “epifanía económica”, achegándose máis á sociedade e menos ós políticos e gobernantes. A exposición de Costas suscitou un gran interese entre as persoas presentes que participaron activamente na rolda de preguntas, entre elas a Concelleira de I+D do Concello de Vigo e Deputada Provincial de Desenvolvemento Empresarial, Ana María Mejías, que trasladou ó relator a súa inquedanza sobre as canles axeitadas para que os e as economistas e investigadores en xeral poidan trasladar os seus coñecementos á sociedade dunha maneira máis democrática.
 


Enlace á nova do DUVI

https://www.uvigo.gal/universidade/comunicacion/duvi/anton-costas-reivindica-contrato-social-garantir-funcionamento-economia-mercado-evitar-barbarie
 SUSCRÍBETE A ECOBAS

Configuración de cookies

Este sitio web utiliza cookies para mejorar la experiencia mientras se navega por el sitio web. Las cookies que se clasifican como necesarias se almacenan en el navegador ya que son esenciales para el funcionamiento básico del sitio web. También utilizamos cookies de terceros que nos ayudan a analizar y comprender cómo utilizas este sitio web; estas cookies se almacenarán en tu navegador sólo con tu consentimiento. También tienes la opción de no permitir estas cookies, sin embargo, la exclusión de algunas de estas cookies puede afectar a tu experiencia de navegación.

Cookies necesarias


Estas cookies son estrictamente necesarias para el funcionamiento de la página, las puedes desactivar cambiando la configuración de tu navegador pero no podrás usar la página con normalidad.

cb-enabled
cookieControl

Instrucciones sobre cómo eliminar las cookies y más información en nuestra política de cookies.